Aqmescitteki Alime Abdennanova adına 44-nci mektep 5 yaşını qayd etmekte. Mektep 2017 senesi birinci talebelerini qabul etti. İlk çañ 770 nefer talebeni derske çağırdı. Al-azırda ise mektepke Aqmeçet ve Borçoqraq qasabasından 1420 bala qatnay. Mektep Qırım paytahtınıñ eñ ileri mektepler cevelinde yer aldı. Böyle muvafaqiyetniñ sırı oqutuvnıñ yüksek seviyesi, zemaneviy tehnologiyalar, balalarnıñ er taraflı infişafıdır. Amma mektepniñ esas üstünligi – qırımtatar tilinde tasil, baş maqsad ise Vatanğa ve milliy ananelerege sevgi ve sayğı aşlavdadır.
