1987 senesi qırımtatar halqı milliy areketiniñ tarihında emiyetli bir devir oldı. Narazılıq aktsiyaları, muracaat ve devlet hadimleriniñ resmiy qabulları… Bütün bu areketler 1987 senesi pek çoq oldı. Aynı şu yılı aprel 11-12 künleri olıp keçken areketniñ teşebbüsçi gruppaları vekilleriniñ bütünsoyuz körüşüvinde KPSS Merkeziy Komitetiniñ baş kâtibi Mihail Gorbaçövnıñ adına muracaat qabul etildi.
