İslâm – adalet ve namus esasında qurulğan bir dindir. Yüce rabbimiz er bir insanğa elâl emeknen qazanmaqnı avale ete. Muqaddes Quran-ı Kerimde denilgen: «Ey, insanlar! Elâl ve temiz şeyni aşañız!» Şunıñ içün de musulman qazanğan parasınıñ miqdarını saymaq degil de, bu qazançnıñ elâllığını tüşünmesi kerek. Şeriat qanunlarına köre elâl qazanç da ibadetniñ bir çeşitidir.
