Musafirlikke çağırılğanda barmaq — sunnettir. Muhammed Peyğamber (Sallallahu aleyhi vessellem) çağırılğan yerge mıtlaqa barğan. Musafirlikke barmaq — Allağa ve Onıñ Elçisine itaat etmektir, dep ögretken Peyğamber (Sallallahu aleyhi vessellem). Musulmanlar musafirlikte özlerini belli bir qaidelerge köre alıp barmaq kerekler. Şulardan esas qaidelerni qayd eteyik.
