«Shen» kompaniyaları gruppası Balalarnı qorçalav künü şerefine kenceler içün qocaman bir bayram teşkil etti. 1200-den ziyade kiçik musafirlerni tatlılar, dondurma ve bahşışlar ile qarşıladılar. Balalar içün meraqlı meşğuliyetler, «Pole çudes» bala bayram studiyasınıñ animatorları ile eglenceler keçirildi. 10 bala muzıka ve oyun taqımlarınıñ çıqışları ise aqiqiy bayram müitini yarattılar.
