Aqmescit civarındaki Rodnikovo köyünde mezarlıq içün 40 gektar yer ayırmaqnı qararlaştıralar. Amma Rodnikovo, Novıy Mir, Şkolnoye ve Kurgannoye köyleriniñ sakinleri mezarlıq tamam evleriniñ yanında olmasına qarşı çıqtılar. İnsanlar muracaat yazıp, imzalar topladılar ve öz aqlarını qorçalamağa azırlar. Olar endi çoq yıllardan berli rayonnıñ abadanlaştırılması – yani suv keçirilmesi, mektep ve bala bağçasınıñ qurulması, soqaqlarnıñ ışıqlandırılmasını talap eteler. Bunıñ yerine ise akimler olarnıñ pencereleriniñ tübünde mezarlıq açmaq isteyler.
