Qırımda Nizami adına Taşkent pedagogika institutında qırımtatar tili ve edebiyatı bölügi açluvınıñ 55 yıllığı qayd etildi. Qırım müendislik –pedagogika universitetinde institutnıñ şu bölügini çeşit yıllarda bitirgen yüzden ziyade mezun toplaştı. 1968 senesi açılğan bölük 22 yıl içinde 500-den ziyade mütehassısnı azırladı. Şulardan bir çoqu milliy tasil saasında faaliyet kösterip, student ve mektep talebelerine ana tiline sevgi aşlamaqtalar.
