Bağçasaray rayonındaki Ğavr köyü sakinleriniñ körüşüvleri er yılı keçilirip, endi yahşı bir ananege çevirildi. Er yılı Belbek özeni boyunda yerleşken dülberden dülber köylerden biri olğan Ğavr köy sakinleri ve olarnıñ bala-çağaları tuvğan yerlerni körmege, keçmişni hatırlamağa, doğğan yurt avasınen toya-toya nefes almağa aşıqalar. Köyde saqlanıp qalğan eski tatar evçikleriniñ tili olsaydı, çoq ikâyelerni tarif eter ediler.
