Gasprinskiy adına kütüphanede «Oqu, düñya seniñ olsun!» serlevalı tedbir keçirildi
Milliy kütüphaneniñ oquv zalında «Avrora» bala bağçasınıñ qırımtatar gruppasında terbiyelengen balalar, ocaları ve ana-babalar toplaştılar. 25 baladan ibaret «Küneş nurları» dep adlandırılğan gruppa tedbirde büyük sevinç ile iştirak etti. Olar içün sergi ve muzıkalı eglenceli programma azırlanıldı. Balalar ise şiir ve yırlarınen quvandırdılar.
