İsmail Gasprinskiy adına kütüphanede alim, cemaat erbabı, edip, hattat ressam ve oca Osman Aqçoqralınıñ 145 yıllığına bağışlanğan tedbir keçirildi. Tedbirge studentler, jurnalist ve cemaatçılar, alimler ve ocalar toplaştı. Musafirler tedqiqatçınıñ faaliyetine dair yañı faktlarnen tanış oldılar, maruzalar diñlediler. Kütüphane hadimleri «Etnograf, hattat ve yazıcı Osman Aqçoqraqlı 1878-1938» mevzusında sergi azırladılar.
