Aqmescit civarındaki Ana Yurt köyünde Oraza bayramı qayd etildi. Qırımnıñ er bir köşesinden adamlar biri-birini hayırlamağa keldi. Teşkilâtçılar yaş nesilge ayrıca emiyet berdiler: keniş eglence programması ve bahşışlar bolluğı bu künni eñ kiçik musafirler içün unutılmaz yaptı. Ana Yurttaki bayram ekinci yıl ardı-sıra olıp keçe ve endi köy ayatında eñ canlı vaqialardan biri ola.