Yarımadada ta Altın Ordu hanı Özbekhan devirinde qurulğan ve bugüngece saqlanıp qalğan eñ qadimiy camilerden biri Eski Qırımda bulunmaqtadır. Cami yanında medrese viraneleri de bar. 14-nci asırda temeli qoyulğan bu cami tarihçı alimler, ülkeşınaslarnıñ diqqatını celp etmekte. Qırımtatarlar içün Özbek han camisi sadece bir cami degil, çeşit tarihiy devirlerni bağlağan muqaddes degerliklerden biridir.
