Sudaqnıñ Qapsıhor köyündeki «Haci-Memet» camisi 1765 senesi qurulğan. Cami pek çoq tarihiy vaqialarnıñ şaatıdır. Cami bir buçuq asırdan ziyade taa 1932 senesine qadar musulmanlarğa hızmet etken. Sovetler devirinde cami kitaphane, klub, anbar ve tükân sıfatında qullanılğan. Qapsıhornıñ sakinleri içün ecdatlarınıñ tarihını saqlap kelgen bu cami pek qıymetlidir. Bugünde-bugün mında em cuma, em bayram namazları qılına.
