Keçken raatlıq künleri Qırımnıñ eñ büyük köylerinden biri olğan Urkustada pek çoq adamnı toplağan köydeşler körüşüvi olıp keçti. Bir qaç yıl evelsi tedbir teşkilâtçıları bu işke yaşlarnı celp ettiler ve endi köydeşler körüşüvi Urkustada ananeler zemaneviyliknen çatışqan canlı bir şekilde keçe. Teşkilâtçılar pek çoq meraqlı şeyler azırlağanlar – köy haritası, büklet ve fotosergi, mühteşem kontsert programması. Tedbirge kelgen diaspora yırcısı Günay er kesni ayrıca sevindirdi.