Keñ Toğay (Litvinenkovo) köyüniñ sakinleri kene narazılıq köstereler. «Tavrida» trassası Qarasuvbazar rayonınıñ bir qaç köyüni yolnıñ başqa tarafında yerleşken Zuya qasabasından kesti. Hastahane, bala bağçası, aphaneler ve bankomatlar Zuya köyünde yerleşe. Evelleri sakinler yol çatışmasından keçip, Zuyağa barıp çıqa ediler, şimdi ise, pek qolaysız oldı. Yerli sakinler bir qaç kere akimiyetke muracaat ettiler, mesele çezilmey qaldı.
«Tavrida» yolu Qırım köylerini yaşayış nimetlerinden marum qaldırdı
