Ülkeşınas, tarih ilimleri doktorı, 20-den ziyade kitap müellifi Vladimir Polâkov «Polâkovo pole» türkümine kirgen daa bir kitabı – «Svâzname» cıyıntığını taqdim etti. Ekinci dünya cenki yıllarında Qızıl ordunıñ alâqa qoşunlarını temsil etken qırımtatarlarnıñ qaramanlığı aqqındaki kitap İ. Gasprinskiy adına kütüphanede taqdim etildi. Tedbirde cemaat erbapları, ocalar, studentler, tarihçılar iştirak ettiler.
