Sudaqnıñ Açıqlar maallesi deñizge yaqınlığınen turistlerni, qırımtatar adlarınen ise yerli sakinlerni celp ete. Yüz yıl evelsi bu yerde esnafçılarnıñ maalleleri olğan. Qırımtatarlar yurtuna qaytıp başlağan soñ maalleniñ tarihı ğayrıdan canlandırıldı. Böyleliknen şeerniñ haritasında Furuncılar, Quyumcılar, Qaveciler, Degirmenciler kibi adlar peyda oldı. Amma soñki yıllarda soqaqlarnıñ adları rusçağa tercime etile.