SSSR sport ustası, idmancı Seytosman Emirasanovnıñ hatırasına bağışlanıp, gençler ve balalar arasında küreş boyunca cumhuriyet turniri ardı-sıra üç yıldan berli keçirilmekte. Seit-Eli köyüde bu artıq yahşı ananege çevirildi. Küreşçiniñ hatırasını añmaq içün çeşit yaşlı ve çeşit çekide 150 küreşçi toplaştı. Kilim üstünde Qırımnıñ uzaq-yaqın köşelerinden kelgen sportçılar küç sınaştılar.
