Keçmi̇şni̇ araştirmaq zamani!

İbraim Voyennıy ressam Zarema Trasinovağa birinci ömür arqadaşı, qırımtatar halqı milliy areketiniñ iştirakçitsi Ali Trasinovnıñ kinooperator İsmet Qutub-zadege yazğan mektübini berdi. İsmet Kennanoviçke anasınıñ vefatı munasebetinen başsağlığı tilegen Trasinovnıñ bu qısqa mektübi onıñ tabiat çizgileri, insaniyetligi, vatanğa sevgisi, daima milliy areket tüşüncelerinen yaşağanını köstergeninen qıymetlidir. Aziz İsmet! Sıcaq selâmım ve eñ samimiy başsağlığı tilegimni qabul etiñiz. Bu accı haber meni tekmil sarsıttı ve tasavur etip olamayım ki, nasıl oldı da, mulâyim, zarif anañ bu dünyanı terk etti.