Keçmi̇şni̇ araştirmaq zamani!

ÖMÜR|İÇTİMAYET|ÖMÜR|İNSANLAR

Qırımtatar tilinde laf etip başlağan rus oğlanı.

37 yaşlı Gleb Junâyev – rus milletinden, amma qırımtatar tilini ögrenmege qarar aldı. Qırımnıñ tamır halqı onı til dülberligi ve baylığı ile meraqlandırdı. İlk olaraq, bizim qaramañımız yarımadanıñ toponimikasını ögrenip başladı, şeer ve köylerniñ eski adlarınıñ tercimesini tapmağa tırıştı. Soñra ise smartfonında «Qaradeniz production» studiyası azırlağan qırımtatar tilinde sketç ve levhalarnı seyir etti ve «Armançıq» mecmuasınıñ abunecisi oldı. Bundan da ğayırı, kitaplar yardımı ile özü tilni ögrenmege areket etti. Bugün Gleb Junâyev qırımtatar tilinde serbest laf ete ve öz sırlarınen paylaşa.