Qırım azizleri — Ay Yan aziz, Cıyın Çoqraq ve Ay Aleksiy çoqraqları medeniy miras nesneleri cedveline kirsetilecek. Bu iş — «Qırım azizleri. Unutılğan ecdatlarnıñ kölgeleri» kitabınıñ müellifi Aleksandr Anikinniñ Qırım Medeniyet nazirligine mektüpnen muracaatta bulunğanı sayesinde amelge keçti. Onıñ tarafından kösterilgen nesneler içinden tek 3-ne müsbet cevap keldi, amma araştırmacı işini devam etmek niyetinde.