«Tavrida» yolu qurucılığınıñ 8-nci basqıçını devam etmek içün Aqyar ve Yalta arasındaki qısmında Qırmızı kitapqa kirsetilgen 7760 terek kesilecek. Alınğan qararğa köre 5011 Pallas çamı, 2633 Pitsunda çamı ve 116 yüksek ardıç kesilecek. Qırmızı kitapqa kirsetilgen daa 962 terek çıqarılıp, başqa yerge oturtılacaq. Tereklerni Aqyar naqliye ve yol-naqliye infrastruktura inkişafı departamentiniñ sımarışı boyunca «Sevastopolskiy leshoz»nıñ işçileri pıçacaqlar. İş edası boyunca añlaşma «. Yedinaya informatsionnaya sistema v sfere zakupok» saifesinde derc olunğan Añlaşmağa köre tereklerni pıçmaq ve yañı tereklerni oturtuv işleriniñ fiyatı 37,5 mln rubleni teşkil ete. İş eki basqıçta yapılacaq — tereklerni pıçmaq, çıqarıp, başqa yerge oturtmaq. İş 2022 senesiniñ dekabr 1-ne qadarp bitirilmesi şart. Vesiqalarğa köre bu işni yapacaq teşkilât çıqarılğan ve pıçılğan tereklerniñ yerine eki qat çoqça, amma başqa bir yerde, terek oturtılacaq. Ekologlarnıñ bildirgenine köre tereklerni pıçuv, yerini deñiştirüv ve yolnıñ orman arasından keçmesi orman ekosistemasına zarar ketire.
Qırımda yañı yol 8 biñ nadir tereklerni öldürecek
