Qırımda «Şamatalı qoranta-2» sitkom çekimleri yekünlendi

Eki ay devamında Qaradeniz production studiyasınıñ taqımı birinci qırımtatar yumoristik serialı 2-nci mevsiminiñ çekimleri üzerinde çalıştı. Bütün taqım meraqlı çekim ceryanı içinde bulundı. Yañı mevsimde seyirciler tarafından sevilgen qoranta kene şeñ maceralarğa oğray, film yaratıcıları ise daa çoq şaqalar azırladılar. Çekimler soñuna çıqtı ve artıq zametli montaj işi başlandı. Baarde seyirciler şamatalı qorantanı öz ekranlarında körecekler.