XX asırnıñ başında qırımtatarlar nasıl hayat keçirgenler? Qırım hanlarınıñ paytahtında neler olğan? Bu suallerge cevapnı Abdul-Vahab Seythalilovnıñ «Bağçasaray. Tamırlarğa yol» kitabında tapmaq mümkün. Kitap qırımtatar entsiklopediyası olur. Müellif Qırım hanlarınıñ paytahtını sanki canlandıra. «Bağçasaray. Tamırlarğa yol» art-buknıñ taqdimnamesi mart 6 künü saat 11:00-de Bağçasarayda, «V gostâh u krımskih tatar» milliy kompleksinde keçirilecek. Tedbirge kelip olamağanlar içün ise Qaradeniz production studiyası Q-TV ve Crimean Tatars portalınıñ Facebook saifesinde canlı yayın yapacaq.
Qırımda «Bağçasaray. Tamırlarğa yol» kitabı taqdim etilecek
