Qadimiy qırımtatar toy merasimleri aqqında çoq oqudıq ve eşittik, Qaradeniz Production studiyası ise bu adetlerni canlandırdı. Qırım paytahtında «Qırımtatar toy merasimleri» adlı yañı leyha taqdim etildi. 7 seriyadan ibaret vesiqalı film ömürniñ eñ müim bayramınıñ merasimleri, Qırımda toylar XVIII-XIX asırlarda nasıl keçirilgenini tarif ete. Leyha içün Qaradeniz Production taqımı qırımtatar obraz ve kostümlerni ğayrıdan tiklemege tırıştı, bunıñ kibi de eñ meraqlı ve esas toy adetlerini topladı.
