Keçmi̇şni̇ araştirmaq zamani!

ÖMÜR|İÇTİMAYET

Qalem ucu, merekep, kilse – Qırım mekteplerinde balalarğa eski usullarğa esaslanaraq tasil berile

Soñki yıllarda yanı metodikalar boyunca ders berilgen sınıflarnıñ sayısı çoqlaştı. 2014 s. «Russkaya klassiçeskaya şkola» (Rus klassik mektebi) oqutuv sisteması Aqmescitteki 7 sanlı mektebi, 10 sanlı gimnaziyası, Bağçasaray ve Canköyniñ bazı mekteplerinde amelge keçirildi. K. D. Üşinskiyniñ metodikası esas olaraq alındı. Bu sistemanıñ tarafdarları çoq, lâkin bazı sualler de doğmaqta. Misal olaraq, farqlı milletler yaşağan yarımadada böyle şekilde tasil bermek mantıqlımı? Çünki farqlı dinge mensüp olğan balalar hristianlıqqa ait resimler, metin ve dualar yazılğan derslikler boyuca oquylar.