Dekabr 8 künü Qaradeniz production studiyası Oleksa Gayvoronskiyniñ hatıra aqşamını keçirdi. Bağçasaraydaki «Aşlama-Saray» etno qavesinde keçken tedbirde qırımtatar halqınıñ büyük dostunıñ ayatı ve icadı aqqında «Şain uçuşınıñ hronikası» vesiqalı film de taqdim etildi, merhumnıñ sevimli yırları icra olundı. Tedbir iştirakçileri bu insan aqqında hatırlavlarınen paylaştılar.
Oleksa Gayvoronskiy tek istidatlı tarihçı degil de qalemi ötkür yazıcı, alıp barıcı, stsenariyci, fotograf ve ressam edi. O, devamlı ve amansız hastalıqtan soñ sentâbr 27 künü 49 yaşında vefat etti.
