Nayle Veliyevanıñ qırımtatar Barbie qoqlaları

Zenaatı muhasebeci olğan Naile Veliyeva mına endi 14 yıldan berli qoqlalar içün milliy urba tike. Bu işnen 2009 senesinden oğraşıp kelmekte. Al-azırda ustanıñ kollektsiyasında onlarnen qoqlalar bar. Tanışları ve dostlarına da yüzlernen qoqlalarnı bahşış etkendir. Naile-hanım qoqlalarına qırımtatar milliy urbalarını kiydire. Kollektsiyasında ukrain, çingene, ispan, özbek libaslarında qoqlalar da bar. Olarnıñ arasında ekisi meşurdır.