Aqmescitniñ Lugovoye-2 qasabası sakinleri endi 4 yıldan berli evlerine elektrik yarığı keçirilmesini talap eteler. Taa 2018 senesi «Krımenergo» olarnen añlaşma imzalap, 2 yıl evelsi qasabada direkler bile qoyğan. Amma bunıñnen iş bitti — evlerde alâ daa yarıq yoqtır. Qasaba sakinleriniñ bildirgenine köre, «Krımenergo» yarıq berüv müddetlerini daima artqa süre. Elektrik yoqluğı qasabanıñ tek bir problemi degil. Yarıqtan ğayrı qasabada suv yoq, gaz yoq, yollar yapılmadı, çöplük taşılmay. Albuki, hızmet içün esap vaqtında ketirile.
Lugovoye-2 qasabası: suvsız, ışıqsız ve gazsız
