Paytahtta yaşağanlarğa qırımtatar oyunlarını ögrenmeleri içün imkânlar bar. Taqımlar çoq, istegeniñni seçmek mümkün. Qırımnıñ küçük qasabalarında balalarğa böyle imkânlarnı yaratqan insanlarnı ne qadar alğışlasañ da az. Qurman qasabasındaki «Roksolana» oyun-sport studiyasınıñ iştirakçileri Qırım ve onıñ tışında festivallerde özlerini kösterdiler. Studiyağa tek Qurmandan degil de, qomşu köy ve qasabalardan 150-den ziyade bala qatnay.
Küçük qasabanıñ büyük istidatları
