Aqyarlı mektep talebeleriniñ tatillerini uzattılar. Bir afta yerine balalar eki afta raatlanacaqlar. Şeerde vaziyet fenalaşqanını köz ögüne alğan akimler böyle qarar aldılar. Qırım akimleri ise tatillerni aslı da lâğu etecek ediler. Yani, balalar soqaqlarğa toluşıp, epidemiyanıñ yañı dalğasını qozğaycaq, mekteptke vaziyet ise nezaret altında emiş. Albu ki, ana-babalarnıñ fikirince ille mektepler şimdi hastalıq ocağına çevrilebilir. Çeşit oquv müessiselerinden hastalanğan talebeleler, keçingen ocalar aqqında kederli haberler kele.
Koronavirus hastalari artqanina baqmadan qirimda mektepler qapalmadi
