Kamenka yolunda kene qaza

Aqmescitten çıqışta Kamenka ve Beloye-2 qasabaları yanında bugün kene bir balanı maşina qaqtı. «Pejo» arabası altında 13 yaşında Ali adlı oğlançıq qaldı. Oğlan bala yolnı piyadeler keçitinden keçe edi. Şaatlarnıñ aytqanına köre, akis areket yolağı qabaatlıdır. Qanun boyunca böyle yolaq eali noqtalarında olmamalı. Er kün yolnıñ bu qısmından mektepke qatnağan yüzlernen bala keçe. Tamam bir ay evelsi aynı şu yerde bugünki qazadan 500 metrde olğan qazada 14 yaşında ösmür elâk olğan edi.