Ecdatlarımız keçmişni ve kelecekni bilmek içün nasıl usullarnı qullanğanları aqqında iç eşittiñizmi? Arzı Hadraliyevanıñ doğma Uluuzenli anası 60 yıldan ziyade tabiblik yapqan. Bu zenaat oña anasından keçken. Bugün endi Arzı-hanım anası Cumaziye Cemadinova ve qartanası Sabriye Kelveliniñ işini devam ete. Ağrılarnı olar «örteleme» usulınen tedaviylegenler, qorqu ve keder sebeplerini ise qurşun tökip bilgenler. Baqla taşlap, insannı ne beklegenini de aytabilgenler. Albuki, İslâm dini fal baquvnı yasaqlay.