Koronavirus pandemiyası ep surat ala. Covid-19 zararlanğan ve virus sebebinden ölgen insanlarnıñ sayısı dünyada kün-künden arta.Bir çoq devletlerniñ alimleri yañı pnevmoniyağa qarşı ilâc üzerinde çalışqanları vaqıtta Rusiyede bir kereden üç mücizeviy ilâc aqqında ilân ettiler. Satılışqa «Areplivir», «Avifavir» ve «Koronavir» degen ilâclar çıqarıldı. Amma alimler, zeerli olğanı sebebinden qullanılması yasaq etilgen «Favipiravir» degen yapon ilâcı esasında azırlanılğan rusiye ilâcları insan vucudına ciddiy zarar ketire bilir, dep tenbileyler. Buña baqmadan, sentâbr 21-den bu ilâclarnı satmağa izin berildi. Bundan da ğayrı, ilâclar pek paalı: «Areplivir»niñ fiyatı 12 biñ 320 ruble, «Avifavir» – 8 000 ruble, «Koronavir» ise 11 biñ 550 rublege satıla.
Faydasız ve havflı: Koronaviruske qarşı yañı rusiye ilâcı satılışqa çıqtı
