F. Yaqubov adına QMPUda filologiya ilimleri doktorı, professor Adile Emirovanıñ 90 yıllığına bağışlanğan «Zemaneviy filologiya: problemler ve istiqballer» mevzusında ilmiy konferentsiya olıp keçti. Tedbirde toplaşqan yüzden ziyade insan arasında alimler, ocalar, studentler, jurnalist ve cemaat erbapları bar edi. Adile Emirovanıyañ zenaatdaşları onıñ lingvistika, rus ve qırımtatar tilşınaslığınıñ inkişafına qoşqan salmaqlı issesi ve edebiy icadını qayd ettiler. Tedbirde «Adile Emirova – qırımtatar halqınıñ ğururı» mevzusında sergi de numayış etildi.
