Ecadtlarımız ne nağışlağanlar, nasıl haberlerni yetkizmege niyetlengenler? Aqmescitte «Nenkecan» mecmuası tarafından teşkil etilgen «Qırımtatarlarnıñ örnek ananeleri» serlevalı lektsiya olıp keçti. Onı etnolog ve tarih ilimleri namzeti Ülviye Ablayeva oqudı. Lektsiyada 18-nci asırnıñ ortalarından 20-nci asırnıñ başına qadar nağışlar ögrenildi, örneklerniñ tasnifi, em de ananeviy motivler, mevzu ve kompozitsiyalar, angileri yasaq etilgenleri tarif etildi. Ülviye Ablayevanıñ nevbetteki lektsiyası ananeviy qırımtatar urbası aqqında olacaq.
