Qave – asırlar devamında qırımtatarlarnıñ eñ sevgen içimligidir. Bütün yarımada boyunca adamlar qavehanelerde em qave içmege, em körüşmege, subetleşmege, kitap oqumağa, añlaşmalar tizmege kelgen. Böyle qavehanelerden biri Sudaqnıñ merkezinde olğan, onıñ saibi Seithalil efendi edi. Belli kollektsioner İbragim İbragimov qart qartbabasınıñ qavehanesi aqqında tarif etti, qavehaneniñ binası künümizge qadar saqlanıp qaldı.
