Qarasuvbazar rayonı Efendiköy köyüniñ sakinleri suvsız qaldı. Soqaqlarnıñ bir qısmında suv tap yazdan berli yoq, diger qısmında suv sentâbrde kesildi, üçünci qısmında ise oktâbr ayında kelmey başladı. Şimdi suv köyniñ ancaq bir qaç soqağında bar. Köy şurası suv taşılmasını teşkil etti, Suvsız soqaqlarnıñ sayısı az olğanda suv künde ketirile edi. Amma soñki vaqıtta suv taşıyıcıları sakinlerni suvnen temiinlemege yetiştiralmaylar. Köyni suvsızlıqtan şimdilik daa qurumağan çeşme qurtarmaqta.
Efendiköy sakinleri suvsız qaldı
