Ayder Bulgakov – qırımtatar asıllı türk matematigi

Ayder Bulgakov – fizika-matematika ilimler doktorı, professor. Özbekistanda sürgünlikte dünyağa kelip, dünyaca meşur alim olabildi. O, halqara ilmiy mecmualarda derc olğan pek çoq maqalelerniñ müellifi, Türkiyeniñ Selcuk universitetinde Ameliy matematika araştırma merkeziniñ qurucısı, halqara «Selcuk Journal of Applied Mathematics» ilmiy mecmuanıñ sabıq direktorıdır.