Er yılı oraq ayınıñ ilk raatlıq künü Ay Serez köyü başqaca canlana. Yarımadanıñ uzaq-yaqın köy-qasabalarından mında doğma ayserezliler, olarnıñ bala ve torunları toplaşa. Tanış sımalarnı körmek, qartlarnıñ acayip ikâyelerini diñlemek, sevimli köyniñ dülberliginden ilham alıp, bir sofra başında oturıp lezetli pilâvnen sıylanmaq – köydeşler körüşüviniñ daimiy çizgileridir. Bu sefer körüşüv 36-ncı kere keçirilmekte.