Aqmescitte Mari Elge sürgün etilgen ve anda doğğan qırımtatarlar körüşti

Aqmescitte Mari Elge sürgün etilgen ve anda doğğan qırımtatarlarnıñ birinci körüşüvinde Qırımnıñ çeşit yerlerinden yaşağan 20-den ziyade kişi toplaştı.
1944 senesi Mari Elge 2 biñden çoq qırımtatar qorantası – 10 biñ adam sürgün etildi. Bedava işçi küçü olğan qırımtatarlarnı dağ kesiminde çalıştırdılar. Ağır şaraitlerge baqmadan çoqları sağ qalıp, Vatanğa qaytmaq imkânını tapabildiler.