Aqmescitte «Amet-Han Sultan. Yıldızlarğa yol» hatıra albomınıñ taqdimi keçirildi

Aqmescitte Qırımtatar medeniy-tarihiy miras müzeyinde «Amet-Han Sultan. Yıldızlarğa yol» serlevalı hatıra albomınıñ taqdimi keçirildi. Mezkür kitap efsaneviy insan, Sovetler Birligi eki defa Qaramanı, uçucı Amethan Sultannıñ ayatından meraqlı faktlarnen tanış ete. Albomda müzey hadimleri yıllar devamında araştırıp tapqan, toplağan arhiv malümatlar, vesiqalar, uçucınıñ mukâfatları ve şahsiy eşyalarınıñ siyrek fotoları taqdim etilgen.