«Altın beşik» teatri Eski Qırım şeerinde «Yaşa Vatan, Yaşa Millet» kontsert programması ile seyircilerni em ağlattı, em quvandırdı, em ğurur duyğusını bağışladı. Sevimli sanatkârlar Seytabla Memetov, Emine Cevdetova, Dilâver Settarov, Luiza Üseinova, Aliye Bekirova halq duyğularını ifade etken yırlarnı icra ettiler. Seyirciler yırcılarnen beraber yırladılar ve ayaqta turıp alğışladılar.
