Sportçı Saliyevlerniñ sülâlesi Qırımnıñ tışında da belli. Onıñ esasçısı — İsmet Saliyev — veteranlar arasında rum-roma küreşi çempiondır, Özleriniñ birinci sektsiyasını ağa-qardaşlar 90-ncı yıllarnıñ başında Qoz köyünde bir binanıñ mağazında açtılar. Ve aynı o yerde olar eñ yahşı sportçı, Olimpiya oyunları iştirakçisi Lenur Temirovnı yetiştirdiler. 2004 senesi Saliyevler büyük sport kompleksi qurmaqnı qararlaştırdılar. Çünki küreşnen oğraşmağa istegen oğlan balalarnıñ sayısı ep çoqlaştı. Şimdi sport klubına 100-den ziyade bala qatnay.
Ağa qardaş Saliyevlerniñ sport mektebi
