Zera Bekirova qırımtatar milliy areketi yılnamecilerinden biri

Jurnalist ve yazıcı Zera Bekirova 30 yıldan berli qırımtatar milliy areketiniñ tarihı üzerinde çalışmaqta. O, bir çoq maqaleler, ve «Vatan yoluna bağışlanğan ayat», «Raqamlar şaatlıq ete» kitapları ve «Adalet küreşi saflarında» cıyıntığı 4-nci cıltınıñ tertipçisi ve müellifidir. «Adalet küreşi saflarında» kitabı milliy areket iştirakçileri aqqında ikâye ete. Cıyıntıqnıñ 3 cıltını milliy areketniñ faal iştirakçisi, yazıcı, şair İdris Asanin yazdı. . Jurnalist ve yazıcı Zera Bekirova milliy areket mevzusınen 1980-nci yıllarnıñ soñunda, «Lenin bayrağı» gazetasında çalışqan vaqıtta oğraşıp başladı. O zaman oña «İzvestiya» gazetasınıñ muarririyeti «Soyuz» aftalıq ilâvesi içün qırımtatarlarnıñ devletçiligi tiklenmesine dair maqale azırlamaqnı avale etti.

https://yadi.sk/i/eoNN9-fDMaiJ6A