Zaur Mamutov Tacikstanda belli futbolcı Enver Mamutovnıñ ailesinde doğdı. Babasınıñ izinden barıp futbolğa aves olğanı tesaluf degil. Zaur bütün vaqtını futbol meydanında keçirip, büyük meydanlarda oynamaqnı arzu etken. Arzusı kerçekleşti — Zaur Mamutov Rusiyeniñ aliy divizionında oynağan yekâne qırımtatar futbolcısıdır. «TSSKA», «Fabus», «Reutov», «Kuban», «Desna», «Krımteplitsa» taqımlarınıñ erkânında 118 oyunda iştirak etti.
