Zarema Hayretdinova qırımtatar qıyafetinen ve qadimiy Bağçasaraynen bağlı qadimiy fotoresimlerni toplay. Tapqan malümatnı Zarema hanım «Qırımtatar qıyafeti» ve «Bağçasarayda asretli kezintiler» gruppalarında yerleştire. Anda bu resimlerni etnograf, kollektsioner, esnafçılar muzakere eteler. Zarema hanım başqa leyhalar üzerinde çalışa. O, «Qırım nağışı tılsımı» leyhanıñ müellifidir, bunıñnen beraber yıllar devamında «Aile degerlikleri» yarışını keçire.
