Qırımda çıq-çıq balaban ya da şivede denilgeni kibi şlakalar mevsimi başlandı. Sudaq civarında Ridvan Kamilovnıñ fermasında 2 tonnağa yaqın yüzüm şlakaları asralmaqta. Bu saanen 2 yıl evelsi oğraşıp başlağan Ridvan beyniñ şlaka ferması bugün de eñ büyük hocalıqlardan biri sayıla. O, şlakalarnı boğday unu ve sebzenen besley, turistlerni ise lezetli yemeknen sıylay.
