Server Ceparov Taşkentniñ «Lokomotiv» futbol taqımınıñ baş treneri etip tayinlendi. Bundan evel o, taqımnıñ sport direktorı vazifesini eda ete edi. Ceparov – Özbekstan ve Asiyanıñ eñ namlı futbolcılarından biridir. Özbekstannıñ 9-kere çempionı, Cenübiy Koreya ve Saudiya Arabistanınıñ çempionıdır. 2008 ve 2011 senelerde Asiyanıñ yıl futbolcısı, 2008 ve 2010 senelerde Özbekistanda yıl futbolcısı, 2008 senesi 19 gol urıp, Özbekistan çempionatınıñ eñ yahşı bombardiri dep tanıldı. Özbekstan cıyma taqımınıñ eñ yahşı ücümcisi ve kapitanı.
