«O, pek az laf eter, medeniyetli, tertip-intizamlı, işkir bir qadın edi»! – dep hatırlay Şefiqa Gasprinskayanı onıñ Ankarada yaşağan torunı Şahika Kürdemir. Qırımtatar qadınlar areketiniñ eñ körümli erbabı 1920-nci senelerde Türkiyege icret etmege mecbur ola ve ömüriniñ soñuna qadar anda yaşay. Onıñ tabiatı, çizgileri, faaliyeti aqqında torunı Şahika Kürdemir tarif ete. Subetni jurnalist ve yazıcı Zera Bekirova yazıp aldı.
